戊戌年十二生肖運程

方癸燊

今日收爐，終於的起心肝寫返幾句。

坊間已經唔少大師出咗程書，我都唔班門弄斧，簡單寫少少。

狗年最有運的生肖：兔（卯）
卯（兔）戌（狗）合火，兔仔今年合太歲，有太歲加持，再加上又有太陽、玉堂、福星、桃花、福星、福德、天德、月德等吉星；太陽主貴，玉堂又係貴人，出年一定會有貴人幫助，聲名遠播。

最黑仔的生肖：鼠（子）
今年太陽在亥宮，太陰（月亮）在丑宮，所以夾在中間的子（鼠）宮，就係日月無光之地，而子宮今年吉星不顯，解神、天解、地解儲齊一套，雖然話有解神就乜都解決到，但亦都代表一定有麻煩，先需要到解神坐鎮。屬鼠的朋友，今年應該好好利用一下驛馬呢粒吉星，多點活動一下，去熱鬧的地方，曬多點太陽。

沖太歲：龍（辰）
辰戌相沖，天羅地網，今年屬龍的人沖太歲，但也不需要太恐慌，沖太歲祇不過是代表會有一點不穩定，可能會有轉變。太歲，即係當年的話事人，沖太歲即係會同話事人對著幹，所以屬龍的人在狗年要盡量低調，順著大勢而行，不要輕舉妄動，便不會有大問題。屬龍的人今年有喪門、大耗兩粒凶星同塲，要小心身邊的年長至親，可能會因疾病或意外，而需花費；另一個角度就可能是要小心門戶，免因遇盜賊而有所損失。

刑太歲：牛（丑）、羊（未）［丑未戌三刑］
刑，未必一定是一件壞事，可能是代表有人會鞭策牛人前行，其實今年牛人的運程不差，除了太陰入命之外，更儲齊天乙、玉堂兩大貴人，更有紫微、龍德兩粒帝皇之星；太陽主貴，太陰主富，天乙貴人俾機會，玉堂貴人直接俾錢，即係代表牛人狗年財源廣進，有貴人不怕刑，祇係一種令牛人進取的動力，把握時機，可以名成利就。

羊（未）因為和兔（卯）三合，所以雖也是刑太歲，但也和兔有著接近的運勢。

還有和兔三合的豬（亥），紅鸞、天喜同宮，未婚者是結婚的好年頭，巳婚者，今年可能會迎接新生命的到來。

虎（寅）和馬（午），雖然也是和太歲（戌）相合，但今年吉星不多，不過不失而巳。

急就章而成，可能有點詞不達意，無論如何，也祝各位狗年行大運，財源廣進，身體健康，心想事成。